Blŭ hrăm hlăm klei kƀĭn trông, Khua lăn čar Lương Cường pah mni, bi myuôm bruă mprăp kơ dŭm mta phŭn hlăm klei ksiêm dlăng, bi êdah ai tiê bruă klam mơ̆ng Êpul khua bruă Đảng čar Hưng Yên.

Khua lăn čar mñă kơ Êpul khua bruă Đảng čar Hưng Yên mnêč bi kƀĭn bi leh klei hưn mdah čŏng ksiêm dlăng mbĭt hŏng dŭm hră mơar djŏ tuôm mơĭt kơ Phŭn bruă kđi čar leh anăn êpul ksiêm dlăng, bi mguôp kjăp, mkŏ mjing klei găl kơ êpul ksiêm dlăng bi leh bruă klam. Gĭt gai dŭm êpul bruă Đảng, đảng viên hlăm anôk bruă Đảng mprăp dŭm mta phŭn hưn mdah hluê si hră mtô, mkăp brei ênŭm ênap, klei čih djŏ, bi mguôp hŏng êpul ksiêm dlăng êjai ngă klei ksiêm êmuh, bi klă, boh nik čiăng hưn mdah klă hŏng boh sĭt, djŏ hŏng bruă hluê ngă dŭm mta phŭn dưi ksiêm dlăng, ktrâo klă dŭm boh tŭ dưn dưi, hdră ngă bruă jăk, dŭm klei êdu kƀah leh anăn ba mdah dŭm hdră êlan mgaih msir hlăm wưng kơ anăp.