Klei bi hgŭm kđi čar jăk siam plah wah dua ala čar dưi kruăk knăl kyua dŭm gưl nao čhưn knŭk kna. Boh nik, mlan 10/2024, Khua gĭt gai Đảng, Khua lăn čar Tô Lâm nao čhưn klă sĭt ti Prăng leh anăn dua ala čar mâo leh klei hưn mtrŭn mbĭt kơ bruă mđĭ klei bi hgŭm Việt Nam - Prăng jing ƀĭng hgŭm Hdră bruă kluôm. Snăn, Prăng jing ala čar tal êlâo hlăm Êpul hgŭm Ơ Rôp mâo klei bi hgŭm lu hĭn hŏng Việt Nam.

Bruă Khua mil čhil Prăng ruah Việt Nam jing anôk truh tal êlâo hlăm gưl hiu čhưn bi êdah klei mđing kơ hdră bi hgŭm leh anăn hnơ̆ng yuôm bhăn êlam mơ̆ng Prăng brei kơ klei bi hgŭm dua nah hŏng Việt Nam. Leh knăm drông klă sĭt, Khua lăn čar Lương Cường leh anăn Khua mil čhil Emmanuel Macron ngă khua êpul bi ala gưl dlông dua ala čar ngă klei bi trông kñăm kơ hdră msir đru bi êlam, tŭ dưn hĭn klei bi hgŭm Kluôm plah wah dua ala čar.