Klei ruah khua tal êlâo ruah bruă kƀĭn ala Việt Nam Dân chủ Cộng hòa, hrue 6/01/1946 (ară anei pia jing ala čar yang ƀuôn ngă phŭn êngiê Việt Nam) jing leh sa bruă yuôm bhăn hlăm hƀuê ênuk, pŏk êlan mkŏ mjing sa knŭk kna ngă phŭn êngiê tmrâo ti ala čar drei. Boh tŭ dưn mơ̆ng klei ruah khua jing leh boh tŭ dưn mơ̆ng klei bi mguôp, bi blah jhŏng ktang, săn asei mlei mơ̆ng jih jang mnuih ƀuôn sang Việt Nam lehanăn klei đru mguôp amâo mâo djŏ điêt ôh mơ̆ng bruă klei mrâo   cách mạng hlăm bruă hâo hưn, hlăm anăn mâo wăt hră klei mrâo bruă kƀĭn ala.

Hlăk anăn, hră klei mrâo bruă kƀĭn ala mâo mkŏ mjing hrue 17/12/1945. Hră klei mrâo mâo leh klei bi knăl yuôm bhăn, hŏng lu klei čih bi êdah kơ dŭm mta kñăm, klei yuôm bhăn mơ̆ng klei ruah khua tal êlâo, ruah bruă kƀĭn ala gưl 1. Khădah mâo čih mkra mil 15 mrô lehanăn mă bruă hlăm 21 hrue, ƀiădah hră klei mrâo bruă kƀĭn ala mâo đru mguôp leh yuôm bhăn hlăm bruă hâo hưn kơ klei ruah khua./.