Leh kdrêč bi mklă, Khua lăn čar Lương Cường jao leh Hdră mtrŭn mđĭ grat Khua bi ala ala čar yang ƀuôn ngă phŭn Việt Nam kơ K’iăng Khua Phŭn bruă hŏng tač êngao Nguyễn Minh Hằng; K’iăng Khua phŭn bruă hŏng tač êngao Phạm Thanh Bình; Khua bi ala knhăk kluôm ala čar yang ƀuôn ngă phŭn Việt Nam ti India Nguyễn Thanh Hải; K’iăng Khua  Dhar bruă, K’iăng Khua adŭ bruă Phŭn bruă hŏng tač êngao Ngô Toàn Thắng; leh anăn Nai mtô gưl dlông, Sang hră ksiêm hriăm bruă hŏng tač êngao Nguyễn Vũ Tùng. Khua lăn čar Lương Cường hơêč hmưi kơ phung Khua bi ala mrâo mâo Hdră bi mklă mđĭ grat Khua bi ala.

Khua lăn čar čang hmăng phung Khua bi ala lŏ dơ̆ng mđĭ lar bruă klam leh anăn đru mguôp jăk hlăm bruă klam mbĭt mơ̆ng bruă hŏng tač êngao thŭn 2025 ăt msĕ mơh hlăm wưng kơ anăp, lŏ dơ̆ng đru mđĭ bruă hŏng tač êngao găl ênưih, bi mklă Việt Nam hlăm ênuk mrâo, mđĭ klei tŭ dưn ala čar - djuê ana, ngă djŏ klei čiăng mơ̆ng bruă mkŏ mjing leh anăn răng mgang čar kwar.