Khua lăn čar Lương Cường nao čhưn kơ Chile, Peru lehanăn nao ti anôk bi kƀĭn gưl dlông APEC
Thứ bảy, 08:46, 09/11/2024
VOV Tây Nguyên
VOV Tây Nguyên
VOV4.Êđê - Mlam mmăt mbrue, Khua lăn čar Lương Cường djă akŏ êpul khua prŏng Việt Nam kbiă leh mơ̆ng Hà Nội nao čhưn kơ Chile theo hlue si asăp jak iêo mơ̆ng khua mil čhil (Gabriel Boric Font) mơ̆ng hrue 9- 12/11; klă klơ̆ng nao čhưn kơ ala čar Peru lehanăn nao ti anôk bi kƀĭn gưl dlông bruă duh mkra mnia mblei Asi – Pacific (APEC) 2024 ti Lima, Peru hlue si asăp jak iêo mơ̆ng khua mil čhil (Dina Ercilia Boluarte Zegarra) mơ̆ng hrue 12 - 16/11.
Anei jing klei hiu čhưn kơ ala tač êngao tal êlâo mơ̆ng khua lăn čar Lương Cường hŏng bruă mrâo, jing yuôm bhăn kơ bruă bi hgŭm dua nah, lehanăn lu tĭng. Klei hiu čhưn anei lŏ bi kjăp klei hgŭm mâo leh mơ̆ng đưm, mbĭt hŏng bruă kđi čar, dưn yua jih klei găl mơ̆ng găp ala čar ti si klei Việt Nam tui duah klei bi hgŭm hŏng Chile lehanăn Peru lehanăn hlăm kluôm krĭng Milatino.
Nao hlăm klei bi kƀĭn gưl dlông APEC 2024, djŏ hlăm wưng bi hdơr 35 thŭn mkŏ mjing klei bi mguôp, lŏ bi mklă bruă yuôm bhăn mơ̆ng Việt Nam đru mghaih msir jih jang boh klei hlăm alŭ wăl, lehanăn tar rŏng lăn, lŏ dơ̆ng mbĭt hŏng APEC tui tiŏ klei hgŭm duh mkra prŏng, anôk bi klin truh 3/5 klei duh mkra prŏng dlông rŏng lăn./.
Viết bình luận