Gưl nao čhưn dưi čang hmăng jing gru kruăk knăl hƀuê ênuk, đru mđĭ tur knơ̆ng bi hgŭm kđi čar jăk siam plah wah dua ala čar, mđĭ klei tŭ dưn bi hgŭm hlăm bruă mâo klei găl leh anăn mđing ba klei bi hgŭm đĭ sa hnơ̆ng mrâo.

Êngao anăn, bruă Khua lăn čar nao hlăm Hruê kăm gưl dlông APEC 2024, djŏ hlăm gưl bi hdơr 35 thŭn mkŏ mjing Klei bi kƀĭn, lŏ dơ̆ng bi mklă klei đru mguôp jăk, đua klam mơ̆ng Việt Nam hlăm bruă msir mgaih dŭm bruă krĭng wăl leh anăn kluôm rŏng lăn, boh nik mđĭ hdră bi hgŭm bruă duh mkra lu ala čar, mjing boh kdrŭt mrâo kơ klei đĭ kyar mơ̆ng krĭng wăl; lŏ dơ̆ng mđĭ bruă klam mơ̆ng APEC jing klei bi kƀĭn bruă duh mkra mrô sa.