Mŭt hlăm thŭn mrâo 2026, thŭn tal êlâo pŏk ngă Hdră mtrŭn Klei bi kƀĭn tal XIV lehanăn hdră mtrŭn Klei bi kƀĭn tal XIV mơ̆ng Đảng lehanăn Hdră mtrŭn Klei bi kƀĭn bruă Đảng čar Lào Cai, Khua lăn čar Lương Cường mñă, anei jing thŭn yuôm bhăn, pŏk sa wưng đĭ kyar mrâo hŏng mta kñăm hluê ngă tŭ dưn mta kñăm 100 thŭn: Truh thŭn 2030 ba ala čar drei jing ala čar đĭ kyar mâo hdră tuh tia mkra mjing mrâo mrang, hnư hrui wĭt đĭ man dưn, truh thŭn 2045 jing ala car đĭ kyar, mâo hnư hrui wĭt đĭ man dưn.

Khua lăn čar Lương Cường mtă kơ bruă Đảng, bruă lnŭk kna, mnuih ƀuôn sang čar Lào Cai lŏ dơ̆ng mđĭ lar knhuah gru hgŭm mguôp, ba yua jih klei găl mao, hluê ngă kjăp mta kñăm mđĭ kyar bruă duh mkra – ala ƀuôn, mtrŭt mđĭ bruă ngă hră mơar knŭk kna, mđĭ boh tŭ hdră mă bruă mơ̆ng anôk bruă knŭk kna dua gưl, mđing dlăng kriê klei hdĭp mnuih ƀuôn sang, rơ̆ng kjăp klei êđăp ênang ala čar, krĭng knông lăn ala čar./.