Mđup brei anăn knăl “Ƀuôn prŏng jhŏng ktang” kơ ƀuôn prŏng Hải Phòng lehanăn blŭ hrăm hlăm knăm bi hdơr, bi ala kơ phung khua kiă kriê Đảng, Knŭk kna, Khua lăn čar Lương Cường bi myuôm dŭm boh tŭ dưn mâo đru mguôp hlăm bruă sua mă klei êngiê kơ djuê ana, lehanăn klei mlih mrâo, rŭ mdơ̆ng mđĭ kyar lăn čar, lehanăn răng mgang kjăp lăn čar Việt Nam yang ƀuôn ngă phŭn êngiê, mơ̆ng bruă Đảng, bruă sang čư̆ êa, mnuih ƀuôn sang lehanăn lĭng kahan ƀuôn prŏng Hải Phòng hlăm 70 thŭn.

Khua lăn čar Lương Cường mñă, hŏng knhuah gru hƀuê ênuk kdrăm k'ah, dŭm boh tŭ dưn leh 70 thŭn mâo klei êngiê, bruă sang čư̆ êa, lĭng kahan lehanăn mnuih ƀuôn sang ƀuôn prŏng Hải Phòng lŏ bi mguôp, găn jih klei dleh dlan rŭ mdơ̆ng ƀuôn prŏng mdrŏng siam, dhar kreh, mnuih ƀuôn sang trei mđao jăk mơak./.