Wưng păn bruă êgao, hlăm wưng tar rŏng lăn, alŭ wăl leh anăn ksĭ ngŏ mâo dŭm klei mlih pral, dleh ksiêm dlăng, klei ruă tưp Covid-19, phung knuă druh, lĭng kahan hlăm Anôk bruă Đảng knơ̆ng gĭt gai lĭng kahan čar ăt nao klă hŏng boh sĭt, ngă tŭ dưn djăp bruă klam mâo Phŭn bruă lĭng kahan, kahan alŭ wăl 5 leh anăn bruă Đảng čar Dak Lak jao.

Klă klơ̆ng, lĭng kahan dưi mkŏ mjing hŏng êlan “Khnăk, khuăt, ktang”, dŭm gưl bruă Đảng nah gŭ, êpul bruă Đảng hlăm anôk bruă kñăm mkŏ mjing êpul lĭng kahan kjăp hlăm bruă kđi čar, klei mĭn, gĭt gai, ktrâo lač hluê ngă tŭ dưn dŭm klei kdlưn hĭn, mkra mlih hdră jing Khnăk, khuăt, ktang, mđĭ hĭn klei ba yua klei kreh knhâo mrâo mrang, bi mlih mrô.

Hlăm wưng păn bruă, Bruă Đảng knơ̆ng gĭt gai lĭng kahan čar Dak Lak hmao mkŏ mjing, tiŏ nao, bi mŭt mbĭt êpul bruă Đảng hŏng dŭm êpul bruă anôk bruă, ba mdah, mkra mlih, bi mbŏ leh anăn ngă dŭm hdră bhiăn, klei čuăn, klei mă bruă ti anôk bruă Đảng dŭm gưl. Dŭm klei bi hmô “Bruă Đảng nah gŭ 4 jăk”, “Anôk bruă Đảng 4 jăk, 3 amâo mâo” dưi hluê ngă bi lar tŭ dưn.

Nao hlăm klei kƀĭn, Đại tá Trần Minh Trọng – k’iăng khua bruă kđi čar kahan alŭ wăl V čih yap, bi mni dŭm boh tŭ dưn mơ̆ng Bruă Đảng knơ̆ng gĭt gai lĭng kahan čar Dak Lak dưi mâo leh hlăm wưng păn bruă êgao, ăt msĕ mơh bruă mprăp kơ klei kƀĭn kluôm leh anăn mkŏ mjing tŭ dưn 12 klei kƀĭn kluôm anôk bruă Đảng wưng thŭn 2025 – 2030 leh anăn mkŏ mjing hdră mtrŭn Klei kƀĭn kluôm wưng păn bruă anei. Čiăng ngă tŭ dưn hdră mtrŭn bi êdah leh, boh nik hlăm wưng bi mŭt dŭm anôk bruă knŭk kna, k’iăng khua bruă kđi čar kahan alŭ wăl 5 mñă kơ bruă Đảng knơ̆ng gĭt gai lĭng kahan čarr kñăm kơ đa đa bruă klei sơnei:

 “Kñăm kơ klei gĭt gai, hriăm mjuăt mđĭ ai dưi kdơ̆ng mblah mơ̆ng êpul lĭng kahan čar, rơ̆ng kơ klei mprăp kdơ̆ng mblah, bi mâo djăp klei čuăn bruă klam hlăm grăp boh klei. Bi mguôp kjăp hŏng dŭm êpul bruă hlăm alŭ wăl kơ klei thâo klă, đăo knăl, bi klă djŏ boh sĭt leh anăn hmao bi kdơ̆ng hŏng phung ngă soh, răng mgang klei êđăp ênang yang ƀuôn. Mkŏ mjing klei hriăm bruă răng mgang alŭ wăl nao mbĭt hŏng mnuih ƀuôn sang răng mgang dŭm gưl hŏng klei kjăp, bi leh klei čuăl mkă kluôm mđĭ kyar bruă duh mkra ala ƀuôn – bi mguôp hŏng bruă răng mgang leh anăn jih jang mnuih ƀuôn sang răng mgang lăn čar.”

Nguyễn Đình Trung,  Khua bruă Đảng čar, Khua bruă Đảng knơ̆ng gĭt gai lĭng kahan čar Dak brei thâo, hdră mtrŭn mơ̆ng klei kƀĭn kluôm bi klă hŏng akŏ “Ngă phŭn mĭl pô – klei bi mguôp – klei thâo mĭn – kdlưn hĭn – đĭ kyar” leh anăn akŏ ” “Mđĭ lar knhuah gru lĭng kahan čar Dak Lak jhŏng ktang, kñăm mkŏ mjing bruă Đảng kpă ênuah, kjăp ktang, êpul lĭng kahan čar kjăp kluôm dhuôm, bi hmô, êdah êdi, gĭt jih ai tiê bi leh bruă klam lĭng kahan, răng mgang kjăp lăn čar Việt Nam ala čar yang ƀuôn ngă phŭn hlăm wưng mrâo”. Nguyễn Đình Trung mñă kơ klei kƀĭn kčưm mtam kơ bruă hluê ngă hdră mtrŭn.

Kñăm gĭt gai, ktrâo lač leh anăn ai kdơ̆ng mblah, rơ̆ng kjăp knhuah hdĭp, knuih kniêng, bi lar klei ngă phŭn mil pô, bi mguôp sa ai, hrăm mbĭt, gĭr ngă tŭ dưn hdră mrtrŭn klei kƀĭn kluôm bruă Đảng ba mdah leh. Êpul khua bruă đảng mâo hnưm mkŏ mjing, hluê ngă hdră êlan hriăm mjuăt, hyuă kjăp hdră mtrŭn klei kƀĭn kluôm truh kơ jih jang knuă druh, đảng viên, lĭng kahan čar, mkŏ mjing hdră ngă bruă klă klơ̆ng čiăng dưi ngă ƀrư̆ ƀrư̆. Dŭm klei bi hmô mtrŭt mjhar đảng viên, phung êdam êra bi lông ktưn, gĭr bi leh jăk dŭm hnơ̆ng čuăn, mta kñăm mâo hdră mtrŭn klei kƀĭn kluôm bi êdah leh”.