Khua lăn čar Lương Cường nao ti anôk bi hdơr 50 thŭn hrue čar Bình Phước mâo klei êngiê
Thứ hai, 10:38, 24/03/2025
Pô mblang: Y-Khem Niê
Pô mblang: Y-Khem Niê
VOV4.Êđê - Hrue mbrue 23/3, ti Wăl tač hrue 23 mlan 3, ƀuôn prŏng Đồng Xoài, čar Bình Phước, Bruă Đảng čar, Êpul gơ̆ng bruă ƀuôn sang, Knơ̆ng bruă sang čư̆ êa, bruă mặt trận Việt Nam čar Bình Phước mkŏ mjing klei bi hdơr 50 thŭn hrue čar Bình Phước mâo klei êngiê (23/3/1975-23/3/2025) lehanăn drông mă mêđai mă bruă mrô 1.
Khua lăn čar Lương Cường nao hlăm knăm anei, mơak lehanăn mgei ai tiê lŏ bi hdơr dŭm thŭn mlan klei bi blah jhŏng ktang.
Khua lăn čar mñă, anei jing wưng čiăng kơ Bình Phước – krĭng lăn jhŏng ktang mâo klei kpưn đĭ prŏng hĭn. Khua lăn čar mñă, dŭm klei tŭ dưn mơ̆ng klei êngiê, klei hluh lir lăn čar, leh anăn dưi mâo klei đĭ kyar msĕ si ară anei jing dưi mâo mơ̆ng klei thâo gĭr, klei duh myơr, klei săn asei mlei prŏng prĭn mơ̆ng hrue êlâo. Tui si Khua lăn čar, anei jing klei mđĭ ai prŏng kơ drei mđrăm mbĭt bi rŭ mdơ̆ng Bình Phước mdrŏng sah, bi năng hŏng klei jhŏng ktang mphŭn dô./.
Viết bình luận