Thŭn anei, Phŭn bruă mtô mjuăt bi hriăm tiŏ nao 7 êpul hđeh sang hră kdlưn hĭn Việt Nam hŏng 38 gưl čô hđeh nao bi lông Olympic tar rŏng lăn. Boh tŭ, 100% phung hđeh sang hră nao bi lông mâo mă klei pah mni. Dŭm êpul bi lông mơ̆ng Việt Nam dôk hlăm top 10 ala čar mâo boh tŭ bi lông kdlưn hĭn hŏng lu phung hđeh bi lông mâo puăng lu.

Mđup brei 10 mêđai mă bruă mrô 2, 7 mêđai mă bruă mrô 3 kơ phung hđeh nao hlăm dŭm klei bi lông anăn, blŭ hlăm mmông bi tuôm, Khua lăn čar Nguyễn Xuân Phúc bi êdah klei hơ̆k mơak êjai bi tuôm hŏng phung hđeh sang hră ba wĭt klei hing ang kơ ala čar. Khua lăn čar Nguyễn Xuân Phúc mñă klă, knhuah gru mơ̆ng djuê ana drei jing kñăm nanao kơ bruă kriê dlăng, mtô mjuăt phung knhâo knhăk. Đảng leh anăn knŭk kna mñă klă, Mtô mjuăt bi hriăm jing hdră tal êlâo hĭn, leh anăn mkăp lu ai dưi čiăng mđĭ kyar bruă mtô mjuăt bi hriăm.