Blŭ hlăm knăm huă mnăm, Khua mil čhil Italia mñă klă: Việt Nam jing sa ƀĭng hgŭm yuôm bhăn hŏng klei bi kna leh anăn đĭ kyar hlăm krĭng ksĭ India – Pacific, alŭ wăl mâo Italia ƀrư̆ hruê ƀrư̆ dlăng yuôm bhăn, bi klă hdră êlan mơ̆ng Êpul hgŭm Ơrôp.

Blŭ klei wĭt lač, Khua lăn čar Võ Văn Thưởng lŏ bơ̆k bâo kơ dŭm mta phŭn bi trông hŏng Khua mil čhil leh anăn Khua gĭt gai gưl dlông Italia hlăm gưl nao čuă anei, Khua lăn čar brei thâo, dua tĭng kah mbha klei hmăng hmưi leh anăn klei gĭr ba klei bi mguôp hdră êlan 2 ala čar hlăm knhuang mrâo, ktang phĭt leh anăn tŭ dưn hĭn, đru mguôp hlăm dŭm mta kñăm mbĭt kơ klei đĭ kyar kjăp leh anăn mgaih msir dŭm boh klei tar rŏng lăn hŏng klei mtăp mđơr leh anăn mâo boh tŭ, ba yua klei găl mơ̆ng grăp lăn čar, kyua klei tŭ dưn kơ mnuih ƀuôn sang 2 ala čar, kyua klei êđăp ênang, bi mguôp leh anăn đĭ kyar ti alŭ wăl leh anăn tar rŏng lăn.