Blŭ hrăm gĭt gai klei bi kƀĭn, Khua lăn čar Nguyễn Xuân Phúc mñă dŭm boh tŭ dưn lăn čar mâo leh hlăm thŭn 2022, ti gŭ klei gĭt gai mơ̆ng Đảng, ba akŏ jing khua gĭt gai Đảng Nguyễn Phú Trọng lehanăn lŏ mñă jih jang boh tŭ dưn mơ̆ng anôk bruă ksiêm dlăng yang ƀuôn mâo leh.

Khua lăn čar bi mni anôk bruă anei mâo klei gĭr prŏng, čŏng ngă lu hdră bi leh jăk 4 mtă ênoh čuăn prŏng, 7 êpul bruă yuôm bhăn, mâo bi leh êgao ênoh čoh čuăn mơ̆ng bruă kƀĭn ala jao. Hlăm wưng kơ anăp, Khua lăn čar mtă kơ anôk bruă anei mkŏ mjing hdră mă bruă, hlăm klei pral, ngă bruă tŭ jing jih jang bruă čuăn, djŏ hoĭng hdră mtrŭn mrô 27 mơ̆ng gưl dlông kơ klei “Lŏ dơ̆ng mkŏ mjing, lehanăn bi leh knŭk kna mâo klei bhiăn yang ƀuôn ngă phŭn êngiê hlăm ênuk gưl mrâo”./.