Blŭ hrăm ti anôk bi kƀĭn, khua lăn čar Võ Văn Thưởng mtă kơ ƀuôn prŏng lŏ ngă jăk bruă mkŏ mjing, ƀư̆ mkra Đảng lehanăn jih jang bruă kđi čar.

Mñă klă mdưm mnuih ƀuôn sang jing knơ̆ng hlăm bruă mđĭ kyar, Khua lăn čar lŏ mtă kơ ƀuôn prŏng ăt mđĭ kyar bruă dhar kreh, bruă mjuăt bi hriăm, bruă răng kriê klei suaih pral mnuih ƀuôn sang, iêo jak jih ai ktang mơ̆ng mnuih ƀuôn sang lehanăn čang hmăng kơ ƀuôn prŏng dưi dưn yua jih klei găl pô hlăm bruă mjĕ mgiăm hŏng ala tač êngao, mđĭ klei tŭ dưn bruă klei duh mkra hgŭm hŏng ala tač êngao, tal êlâo hĭn jing hŏng dŭm ala čar hlăm krĭng mekong, dŭm ala čar hgŭm ASEAN, lehanăn dŭm ala čar hgŭm prŏng./.