Blŭ hrăm ti anôk bi tuôm anei, lŏ mñă kơ klei mĭn ai tiê bi ktưn mơ̆ng khua gĭt gai Hồ Chí Minh lehanăn klei mưng leh jing “Thâo khăp kơ mnuih mkăn msĕ si khăp kơ asei mlei pô, klei thâo bi đru hdơ̆ng găp jing leh knhuah gru jăk siam mơ̆ng djuê ana pô, khua lăn čar Nguyễn Xuân Phúc bi êdah klei hơ̆k mơak kơ dŭm klei yăl dliê msĕ si klei đưm hŏng klei hdĭp ară anei, mơ̆ng dŭm klei bi hmô mnuih jăk, ngă bruă jăk hlăm hdră anei.

Khua lăn čar lač Đảng knŭk kna mâo klei mđing nanao dlăn kriê klei hdp mnuih mâo bruă tŭ dưn hŏng lăn čar, mnuih ƀun, mnuih amâo mâo jăk asei mlei mnuih dôk hlăm klei dleh awăt hlăm yang ƀuôn, čiăng kơ jih jang mnuih dưi mâo klei hdĭp hơĭt ênang sơăi. Mbĭt hŏng anăn bi sa ai hrăm mbĭt ngă klei bi đru, boh nik hŏng mnuih dôk hlăm klei dleh dlan êdi, kñăm mđi ai bi êdah ai tiê thâo khăp, bi êdah knhuah jăk siam prŏng hŏng klei thâo bi khăp./.