Aguah mbruê, ti sang Khua mil čhil ti ƀuôn prŏng Bogor, čar Yŭ Java, Khua mil čhil Joko Widodo gĭt gai leh knăm tŭ drông gưl knŭk kna Khua lăn čar Nguyễn Xuân Phúc. Leh knăm tŭ drông, Khua lăn čar Nguyễn Xuân Phúc mâo klei blŭ hrăm hŏng Khua mil čhil Indonesia Joko Widodo. Hlăm klei blŭ hrăm, Khua lăn čar Nguyễn Xuân Phúc mñă klă, Việt Nam ƀuăn sa ai hŏng Indonesia klam ngă tŭ jing bruă klam khua gĭt gai ASEAN thŭn 2023 leh anăn Indonesia tŭ ư sa ai hŏng Việt Nam bi leh bruă klam jing ƀĭng hgŭm hlăm Êpul gơ̆ng klei dưi êngiê anak mnuih Êpul hgŭm lu ala čar wưng thŭn 2023 – 2025.

2 čô khua gĭt gai tŭ ư čiăng ruh mgaih dŭm klei kpăk hlăm bruă mnia mblei čiăng mâo mta kñăm klei mnia mblei 2 tĭng êbeh 15 êklai USD êlâo kơ thŭn 2028 ăt msĕ hŏng klei bi mguôp kơ pui kmlă doh, pui kmlă thâo mĭn leh anăn mkra mjing pil kơ êdeh êran hŏng electric. 2 čô khua gĭt gai ăt klă klơ̆ng hưn kơ bruă 2 ala čar bi ruê̆ 12 thŭn kơ bruă treh ling krĭng anôk bruă duh mkra leh anăn bi tŭ ư klei mĭn mơ̆ng ASEAN kơ êa ksĭ Ngŏ.