Êlâo kơ Têt Nguyên đán Quý Mão 2023 lehanăn bi hdơr 93 thŭn Hruê mkŏ mjing Đảng, hluê knhuah gru mơ̆ng djuê ana, hruê 11/1, ti Hồ Chí Minh, Khua lăn čar nao čuh brui mngưi, dưm kwang mnga kơ Khua gĭt gai Hồ Chí Minh, nao čhưn, mđup brei mnơ̆ng, h’êč hmưi Têt kơ găp djuê phung khua kiă kriê Đảng, Knŭk kna leh djiê.

Čuh brui mngưi, dưm kwang mnga ti Sang kriê pioh mnơ̆ng đưm, Khua lăn čar lehanăn Êpul lui leh sa mnĭt bi hdơr kơ Khua gĭt gai Hồ Chí Minh – Pô jhŏng ktang djuê ana – Pô mă bruă Dhar kreh êdah kdlưn mơ̆ng djuê ana Việt Nam. Bi êdah klei lač jăk kơ Khua gĭt gai Hồ Chí Minh – myơr leh jih klei hdĭp kơ hdră bruă krŭ kdơ̆ng mtlaih êngiê djuê ana, hluh lir lăn čar, mkŏ mkra ala čar Việt Nam yang ƀuôn ngă phŭn, êđăp ênang. Nao čuh brui mngưi kơ Đại tướng Lê Đức Anh, Khua lăn čar mơ̆ng ênuk 1992-1997, Khua lăn čar Nguyễn Xuân Phúc lač klă, khădah hŏng ya bruă mă, Lê Đức Anh ngă bruă hŏng jih ai tỉê, đru mguôp yuôm bhăn hlăm bruă prŏng mơ̆ng lăn čar./.