Khua lăn čar Nguyễn Xuân Phúc hơêč hmư kơ Khua dlăng bruă đăo Yơng suaih pral, hơêč hmưi kơ jih jang phung đăo yơng kluôm ala drông sa yan mnga bŏ hŏng suaih pral, êđăp ênang.

Khua lăn čar bi mklă, Đảng, Knŭk kna mpŭ nanao leh anăn rơ̆ng klei dưi êngiê klei đăo kơ mnuih ƀuôn sang, rơ̆ng klei kkuh mpŭ djŏ hdră bhiăn, amâo mdei kriê dlăng bruă duh mkra- ala ƀuôn, mjing klei găl kơ mnuih ƀuôn sang mâo klei đăo, hlăm anăn mâo phung đăo yơng Việt Nam ngă jăk bruă hlue đăo leh anăn ngă jih bruă klam mơ̆ng sa čô mnuih ƀuôn sang hŏng čar kwar.