Hlăm gưl nao čuă anei, Khua knŭk kna Võ Văn Thưởng mâo 18 mta bruă ti ƀuôn prŏng phŭn Vientiane hŏng lu boh tŭ dưn klă klơ̆ng, mkŏ mjing boh kdrŭt mrâo, đru mđĭ klei mjĕ giăm bi mguôp Việt Nam – Lào hlăm djăp mta bruă. Gưl nao čuă đru hluê ngă tŭ dưn dŭm klei kuôl kă gưl dlông mơ̆ng 2 Đảng, 2 ala čar, boh nik jing klei kuôl kă bi mguôp 2 tĭng Việt Nam – Lào wưng thŭn 2021 – 2025.

Hlăm gưl nao čuă anei, Khua gĭt gai gưl dlông 2 ala čar lŏ mñă klă dlăng yuôm bhăn leh anăn ngă tal êlâo hĭn bruă bi kjăp leh anăn mđĭ hĭn klei bi hgŭm, bi mguôp kluôm dhuôm Việt Nam – Lào, dlăng anăn jing ngăn dŏ yuôm bhăn, mta kñăm kơ bruă cách mạng grăp ala čar.