Hŏng klei mơak mñai bi hgŭm, jiă knhuah ai tiê klei thâo khăp, dua čô khua kiă kriê mâo leh klei bi trông klă mngač, lehanăn tă êlan kơ jih bruă srăng bi hgŭm hlăm djăp mta. Mñă êjai boh klei tar rŏng lăn dôk găn dleh thâo tng knăl, dua ala čar năng hĭng bi êmuh kñă, mđĭ ai, bi đru hdơ̆ng găp kñăm dưi găn jih klei dleh dlan, klei lông dlăng.

Mơ̆ng anăn dua čô khua kiă kriê bi tŭ ư hdră êlan sa hnơ̆ng mơ̆ng dua nah, hlăm klei bi mpŭ, duh mĭn prŏng hĭn hlăm klei bi ksul mbŭ klei bi mguôp hgŭm bruă dua ala čar Việt Nam – Lao; lŏ dơ̆ng ngă tŭ jing jih jang klei leh bi tŭ ư dua nah, plah wah dŭm phŭn dhar bruă ti gưl dlông lehanăn alŭ wăl, kăp đru bi kčĕ dŭm hdră êlan mbĭt, mâo klei bi čuă dlăng hdơ̆ng găp jêñ jêñ hĭn, bi tuôm gưl dlông lehanăn djăp gưl./.