Hŏng ai tiê klei bi mguôp dua khua kiăkriê bi êdah bruă knuă mơ̆ng grăp ala čar, bi trông kơ klei hgŭm mbĭt, lehanan mâo hdră kjăp hĭn kñăm mtrŭn agha êlam hĭn klei bi hgŭm mâo leh mơ̆ng đưmplah wah dua nah. Khua lăn čar čang hmăng kơ dua nah lŏ mâo klei bi mguôp hŏng klei tŭ dưn hĭn, jih jang klei leh kuôl kă duh mkra mnia mblei êngiê Việt Nam – EU (EVFTA); hlăm anăn mđĭ hĭn klei bi mnia mblei dua nah, mjing klei găl kơ phung duh mkra Austria duh bi liê lu kơ Việt Nam, msĕ si bruă mkra mjing êdeh ôtô, êlan êdeh treng, kdrăp mdrao mgŭn, êa drao gŭn...

Dua nah lŏ hgŭm hlăm bruă sang hră mơar, dhar kreh, mjuăt asei mlei, lehanăn klei bi mguôp hlăm mnuih ƀuôn sang. Leh klei bi trông, Khua lăn čar Võ Văn Thưởng lehanăn khua mil čhil Austria dlăng klei kuôl kă plah wah Phŭn bruă hŏng tač êngao Việt Nam lehanăn Austria./.