Ƀri gưl bi hdơr Hruê phung duh mkra Việt Nam, 13/10, mđing truh bi hdơr 9 thŭn hruê mkŏ mjing Êpul hgŭm phung duh mkra Việt Nam 19/10 leh anăn hruê phung mniê Việt Nam 20/10, tlam 5/10, ti Anôk bruă Khua lăn čar, Khua lăn čar Võ Văn Thưởng bi tuôm hŏng Êpul 90 čô mniê ngă bruă duh mkra êdah êdi mơ̆ng Êpul hgŭm phung mniê Việt Nam.  Mñă klă Đảng, Knŭk kna mđing nanao, mjing klei găl kơ klei mđĭ kyar prŏng ktang mơ̆ng phung duh mkra Việt Nam, hlăm anăn mâo phung mniê ngă bruă duh mkra, Khua lăn čar čang hmăng Êpul hgŭm phung mniê duh mkra Việt Nam jintg anôk mđĭ klei čang hmăng kpưn đĭ kơ mdrŏng mơ̆ng phung mniê Việt Nam; boh nik bi lar kơ klei gĭr ktưn, mđĭ ai phung mda asei kpưn đĭ kơ mdrŏng djŏ klă.

Hŏng ênoh phung mniê ala čar drei mâo 50% ênoh mnuih ƀuôn sang leh anăn giăm 50% mnuih mă bruă jing mniê, Khua lăn čar lač. Ênoh 8000 čô mniê ngă bruă duh mkra hgŭm hlăm Êpul hgŭm duh mkra ka lač jih ôh klei găl phung mniê Việt Nam. Kyua anăn, Khua lăn čar čang hmăng Êpul hgŭm pŏk mlar ti 63 čar, ƀuôn prŏng. Khua lăn čar Võ Văn Thưởng ăt mtă kơ phung mniê duh mkra lŏ dơ̆ng mguôp klei blŭ bi hrŏ hră mơar mtŭk mtŭl, mjing wăl bi liê mnia blei găl ênưih hĭn; đru mguôp mkŏ mjing hdră êlan mđĭ kyar lăn čar.