Ti knăm anei, Khua lăn čar Võ Văn Thưởng mñă, Việt Nam dlăng myuôm klei bi mjĕ Việt Nam – Lao, jing klei bi mjĕ jăk siam êdi. Dua khua kiă kriê tŭ ư lŏ krơ̆ng kjăp boh tŭ klei bhiăn bi mjĕ mjuk dhar kreh, mjuăt ktang asei mlei lehanăn hiu čhưn ênguê, hluê ngă jăk Hdră mđĭ hnơ̆ng tŭ dưn bruă bi hgŭm Việt Nam-Lào hlăm bruă mtô bi hriăm mnuih mă bruă wưng thŭn 2021-2030.

Khua gĭt gai Đảng, Khua lăn čar Thongloun Sisoulith brei thâo, Lao dlăng myuôm klei bi mjĕ hŏng Việt Nam, gĭr ksŭl mbŭ nanao čiăng ba klei bi mjĕ, hgŭm mguôp kluôm dhuôm Việt- Lào lŏ dơ̆ng đĭ kyar h’ĭt kjăp mbĭt anăn mñă srăng mtrŭt mđĭ klei bi mjĕ dua Đảng, dua ala čar. Ăt gưl anei, Khua lăn čar Võ Văn Thưởng lehanăn Êpul bi ala gưl dlông Việt Nam bi tuôm leh hŏng phung knuă druh, mnuih mă bruă bi ala Việt Nam ti China./.