Khua lăn čar hơêč hmưi kơ aduôn Claudia Arpa djŏ ruah ngă khua kiă kriê bruă kƀĭn ala nah dlông. Hơ̆k mơak kyua mâo nao čhưn kơ ala čar Austria êjai dua ala čar dôk mâo klei bi mguôp kjăp, Khua lăn čar Võ Văn Thưởng lač Việt Nam bi myuôm nanao lehanăn ƀuăn hyuă kjăp hĭn klei bi mguôp hŏng Austria, lač jăk kơ anôk bruă kƀĭn ala nah dlông Austria đru leh Việt Nam hlăm klei ñu kma lehanăn mđĭ kyar klei duh mkra.

Čang hmăng kơ dua ala čar lŏ mâo klei bi hgŭm kjăp hĭn, mđĭ klei bi đăo knang hlăm bruă kđi čar, mjing klei găl kơ klei bi hgŭm dua nah, bi đru jăk hlăm klei bi hgŭm alŭ wăl lehanăn tar rŏng lăn. Việt Nam srăng mjing kdrông mkŏ klei bi mguôp plah wah anôk bruă kƀĭn ala Austria hŏng anôk bruă kƀĭn ala ASEAN.