Ti anôk bi tuôm, Khua lăn čar Võ Văn Thưởng lač, Đảng lehanăn knŭk kna Việt Nam mjing klei êđăp ênang nanao kơ klei êngiê klei đăo, đĭ kyar tui si hdră bhiăn phŭn lehanăn klei bhiăn, hlăm anăn klei bhiăn êngiê kơ klei đăo, lehanăn lŏ dơ̆ng bi leh jăk klei bhiăn kơ klei đăo.

Khua lăn čar Võ Văn Thưởng bi êdah klei čang hmăng kơ khua knŭk kna Hồng y Parolin lŏ dơ̆ng mâo lu klei mđing kơ jih jang bruă phung đăo khop ti Việt Nam.  Khua knŭk kna, Hồng y Parolin bi myuôm dŭm boh tŭ dưn Việt Nam rơ̆ng kơ klei êngiê klei đăo, hlăm anăn mâo klei đăo khop. Khua knŭk kna Vatican lač jăk kơ bruă Việt Nam mâo đru mguôp leh jăk hlăm jih jang klei đăo khop ti Việt Nam, boh nik hlăm bruă đru dŏng, bruă mjuăt bi hriăm, bruă mdrao mgŭn, mtô bruă. Khua knŭk kna Vatican bi mni kơ bruă klam yuôm bhăn mơ̆ng Êpul bi hgŭm bruă Việt Nam – Vatican hlăm bruă mđĭ hĭn klei bi thâo săng lehanăn bi đăo knang hdơ̆ng găp./.