Hlăm klei bi tuôm, dua khua gĭt gai bi êdah klei mơak kơ boh tŭ yuôm bhăn hlăm klei bi hgŭm dua nah hlăm wưng êgao msĕ si bi trông êpul gưl dlông leh anăn dŭm gưl, mđĭ klei bi hgŭm bruă duh mkra- mnia blei, lĭng kahan - klei êđăp ênang, kreh knhâo - kdrăp mrâo, mtô bi hriăm, pui kmlă, mjĕ êrô yang ƀuôn. Khua lăn čar Võ Văn Thưởng mni mni leh anăn lač jăk kơ Khua mil čhil Putin, dŭm anôk bruă sang čư̆ êa, alŭ wăl ti Russia đru rŭ mdơ̆ng knưl Khua gĭt gai Hồ Chí Minh ti Saint Petersburg.

Khua lăn čar čang hmăng Russia lŏ dơ̆ng mkăp hnư prăk hriăm hriăm kơ hđeh sang hră Việt Nam dôk hriăm ti Russia, mđĭ klei mjĕ êrô yang ƀuôn. Khua mil čhil Vladimir Putin lač Việt Nam jing sa hlăm dŭm ƀĭng hgŭm yuôm bhăn ti krĭng Asi-Pacific, lŏ mđĭ lar klei bhiăn, jar bi hgŭm mnbia blei, mđĭ klei bi hgŭm plah wah dŭm phŭn, dhar bruă, alŭ wăl dua ala čar.