Khua lăn čar nao čuă lehanăn blŭ hrăm hŏng phung knuă druh, mnuih ngă bruă anôk bruă bi ala knŭk kna Việt Nam, mnuih ƀuôn sang drei hlăk dôk hdĭp mda, lehanăn mă bruă ti Italia. Ară anei mâo hlăm brô 5000 čô mnuih Việt Nam dôk hdĭp mda ti Italia, mâo klei hơĭt kjăp djŏ tui si klei bhiăn, mâo nanao klei thâo bi mguôp, siă suôr hŏng lăn čar anôk pô hdĭp.

Khua lăn čar čang hmăng jih jang phung ƀuôn sang pô ti Italia djă pioh kjăp knhuah gru dhar kreh djuê ana pô. Thâo bi đru hdơ̆ng găp hlăm klei hdĭp, hlue gưt jăk klei bhiăn ala čar anei. Bi mni kơ phung thâo lu, phung kreh knhâo, phung duh mkra, êpul bruă ti ala tač êngao mâo leh mmông ksiêm duah, hâo hưn kơ dhar kreh Việt Nam, Khua lăn čar lač, anăn jing klei năng mpŭ. Bi ala kơ Đảng, knŭk kna, Khua lăn čar Võ Văn Thưởng lač jăk kơ mah jiăng Italia jĕ giăm hŏng Việt Nam mâo leh klei mđing đru lu êdi kơ Việt Nam hlăm dŭm thŭn mlan êgao./.