Khua bi ala Antonio Alessandro lač jăk kơ dŭm anôk bruă djŏ tuôm Việt Nam mâo leh klei hgŭm, đru leh kơ ñu bi leh jăk bruă čuăn, hyuă kjăp hĭng klei bi mguôp dua ala čar. Khua lăn čar Võ Văn Thưởng lač, boh tŭ dưn klei bi mguôp dua nah mjing leh kdrông jăk lehanăn mñă ba wĭt klei tŭ dưn nanao hlăm dŭm anôk bi kƀĭn, anôk bi tuôm plah wah khua kiă kriê dua nah, lehanăn bi đru hdơ̆ng găp găn klei dleh dlan, lehanăn mâo ba wĭt klei tŭ dưn nanao boh nik dŭm klei bi mjĕ êrô hlăm wưng giăm anei.

Khua lăn čar lač, khădah ngă bruă ti Việt Nam êjai hlăm wưng dleh dlan kbiă hriê mơ̆ng klei ruă tưp COVID-19, ƀiădah mâo klei đru mơ̆ng khua bi ala, ăt dưi đru krơ̆ng nanao klei bi hgŭm, sĭt suôr mbĭt, mđrăm mbĭt ba wĭt lu klei tŭ dưn. Mơ̆ng klei dleh dlan anăn, Việt Nam lehanăn Italy knư̆ hĭn mơh lŏ hyuă kjăp klei bi mguôp mah jiăng sĭt suôr./.