Tlam 22/08, ti Anôk bruă khua lăn čar, Khua lăn čar Võ Văn Thưởng drông Viengthong Siphandon, Khua dlăng bruă Đảng yang ƀuôn krŭ kdơ̆ng Lào, Khua sang phat kđi yang ƀuôn gưl dlông Lào dôk mâo gưl hriê čhưn leh anăn mă bruă ti Việt Nam. Khua lăn čar Võ Văn Thưởng drông Viengthong Siphandon hŏng Êpul Sang phat kđi yang ƀuôn gưl dlông Lào hriê čhưn mă bruă hŏng Sang phat kđi yang ƀuôn gưl dlông Việt Nam; đăo knang gưl gưl hriê čhưn srăng hyuă kjăp hĭn klei bi hgŭm plah wah dau tĭng, đru mđĭ klei bi hgŭm yuôm bhăn Việt Nam – Lào.

Hâo hưn hŏng Khua lăn čar kơ klei tŭ bi trông hŏng Khua sang phat kđi yang ƀuôn gưl dlông Việt Nam Nguyễn Hòa Bình, Viengthong Siphandon brei thâo, dua tĭng bi trông leh kơ dŭm boh phŭn, hdră tă bi hgŭm, mđĭ lar, lŏ čuê boh tŭ mơ̆ng “Thŭn bi hgŭm mjĕ êrô Việt Nam - Lào, Lào - Việt Nam”. Dua tĭng ăt bi tŭ dư lŏ dơ̆ng mđĭ lar knhuah gru jăk siam mơ̆ng klei bi hgŭm yuôm bhăn Việt – Lào mơ̆ng dŭm ênuk khua gĭt gai dua ala čar gĭr mkŏ mjing.