Khua Lăn čar hơêč hmưi kơ phung khua bi ala hriê păn bruă mrâo ti Việt Nam, čang hmăng kơ phung bi ala dưi đru mguôp yuôm bhăn hlăm klei bi mguôp plah wah dua nah Việt Nam hŏng dŭm lăn čar. Drông khua bi ala Bulgari, Khua lăn čar lač, Việt Nam lehanăn Bulgaria jing ƀĭng hgŭm yuôm bhăn, lehanăn čang hmăng kơ dua ala čar mâo nanao klei bi mjĕ êrô gưl dlông, bi mguôp alŭ wăl, lehanăn bi mguôp mnuih ƀuôn sang, mơ̆ng năn mjing atur kjăp kơ dua ala čar bi hgŭm.

Kyuanăn čang hmăng lŏ dơ̆ng mâo klei hyuă kjăp hĭn klei bi hgŭm lehanăn bi đru hdơ̆ng găp hlăm jih jang klei bi kƀĭn hŏng tač êngao, lehanăn lu tĭng. Drông khua bi ala Prăng, snăn khua bi ala Prăng bi êdah ai tiê hŏng khua lăn čar Võ Văn Thưởng ñu mơak mâo hriê mă bruă ti Việt Nam êjai klei bi mguôp dua nah hlăk mâo keli đĭ kyar jăk. Wưng tinăp, Prăng srăng hgŭm lu hĭn hŏng Việt Nam kơ klei kreh knhâo, bruă sang hră mơar, boh nik klei mjuăt bi hriăm ti hnơ̆ng gưl prŏng./.