Khua lăn čar Võ Văn Thưởng bi êdah klei mơak gưl tal êlâo nao čhưn ti ƀuôn prŏng Vienna, ala čar Austria, wăl krah Ơ Rôp, anôk răng kriê, djă pioh ênoh yuôm dhar kreh Ơ Rôp leh anăn lu thŭn dưi ruah jing ƀuôn prŏng năng hdĭp hĭn dlông rŏng lăn.

Khua kiă kriê ƀuôn prŏng Vienna bi êdah klei mơak drông Khua lăn čar Võ Văn Thưởng, mô̆ gơ̆ leh anăn Êpul bi ala gưl dlông Việt Nam nao čhưn. Khua kiă kriê tăl dliê kơ dŭm Klei bi kƀĭn kreh knhâo kơ Khua gĭt gai Hồ Chí Minh, klei bi hgŭm kjăp plah wah ƀuôn prŏng Viên leh anăn ƀuôn prŏng Hà Nội, lŏ mñă kơ dŭm gưl nao čhưn ti Austria mơ̆ng khua gĭt gai gưl dlông Việt Nam. Hlăm boh klei bi hgŭm Việt Nam- Austria dôk đĭ kyar jăk, ƀuôn prŏng Viên čang hmăng mđĭ ktang klei mkŏ hŏng dŭm alŭ wăl Việt Nam, boh nik kơ bruă mnia blei, hiu čhưn ênguê, mjĕ êrô mnuih ƀuôn sang, dhar kreh - kdŏ mmuiñ./.