Blŭ hlăm knăm anăn, Khua lăn čar Võ Văn Thưởng đăo knang Thượng tướng Trịnh Văn Quyết lŏ dơ̆ng bi lar knhuah gru hing ang mơ̆ng lĭng kahan Việt Nam, bi leh jăk bruă klam dưi jao.

Blŭ hlăm knăm jao klei bi klă, Thượng tướng Trịnh Văn Quyết bi êdah klei mĭn hluê ngă klei gĭt gai mơ̆ng Khua lăn čar, siă suôr hŏng Đảng, lăn čar leh anăn mnuih ƀuôn sang, hur har hluê tui hriăm leh anăn hluê ngă asăp khua gĭt gai Hồ Chí Minh kơ knhuah sa čô khua kahan: Klei thâo mĭn, jhŏng, thâo khăp, mâo klei đăo knang, kpă leh anăn siă suôr, lŏ dơ̆ng gĭr ktưn, mjuăt pô, kriê pioh knhuah gru cách mạng, mprăp tŭ mă leh anăn bi leh bruă klam mâo Đảng, knŭk kna, lĭng kahan leh anăn mnuih ƀuôn sang jao leh.