Lŏ dlăng wĭt êwang êlan êbeh 30 thŭn dua lăn čar mkŏ mjing leh klei mjĕ mgiăm, khua lăn čar mñă, Việt Nam lehanăn Kazakhstan mâo leh djăp klei găl dưi jing mah jiăng jăk hlăm klei mđĭ kyar mrâo. Blŭ hrăm ti anôk huă ƀơ̆ng anăn, Khua lăn čar lač, dua lăn čar hơ̆k mơak kơ klei bi mguôp dua nah sĭt suôr hgŭm mbĭt amâo mâo mdei dưi lŏ ksul mbŭ, knư̆ hruê knư̆ mâo klei đĭ kyar.

Hŏng klei čang hmăng gưl hriê čhưn anei, Khua gĭt gai dua ala čar mâo klei bi tŭ ư tă hdră êlan yuôm bhăn hgŭm bruă, hlăm klei bi đăo knang, kơ dŭm hră mơar, lehanăn klei leh bi tŭ ư, kñăm ngă bruă tŭ jing hĭn, atăt klei bi hgŭm dua nah đĭ kyar./.