Khua lăn čar Võ Văn Thưởng lač Việt Nam mpŭ kơ hdră êlan mơ̆ng Italia hlăm klei pô bi mguôp hŏng ala tač êngao. Diñu lŏ bi tŭ ư mđĭ hĭn klei bi mguôp kluôm dhuôm hĭn. Kơ bruă kđi čar, bruă hŏng tač êngao dua nah bi mtuôm jêñ jêñ gưl dlông, msĕ si bruă knŭk kna, bruă kƀĭn ala, lehanăn mkŏ mjing lu klei bhiăn bi mguôp dua ala čar.

Kơ klei duh mkra, Khua mil čhil Italia bi tŭ ư klei Việt Nam akâo pŏk klei bi trông kuôl kă mnia mblei êngiê Việt Nam – EU (EVFTA); hyuă kjăp hĭn klei bi mguôp mnuih ƀuôn sang dua ala čar, hgŭm bruă sang hră mơar, bruă dhar kreh, bruă hiu čhưn ênguê bi hgŭm dŭm alŭ wăl./.