Hlăm mmông tŭ drông, Khua lăn čar Võ Văn Thưởng mñă ktang klei đĭ kyar hlăm klei mjĕ êrô mnuih ƀuôn sang, bi mguôp dhar kreh, mtô mjuăt bi hriăm Việt Nam – Japon. Khua lăn čar mnă klă klei mjĕ giăm 2 ala čar anei dôk hlăm wưng đĭ kyar jăk siam hĭn mơ̆ng êlâo truh kơ ară anei leh anăn mâo ênŭm djăp mta čiăng mđĭ ti hnơ̆ng mrâo hlăm wưng kơ anăp.

Khua lăn čar lač jăk leh anăn hmăng hmưi Japon lŏ dơ̆ng uêñ kơ giăm 500.000 čô mnuih Việt Nam dôk hdĭp, hriăm leh anăn mă bruă ti Japon. Mbĭt anăn lŏ brei thâo, Việt Nam mprăp mkŏ mjing klei găl kơ dŭm knơ̆ng bruă, mnuih ƀuôn sang Japon mnia mblei, hdĭp mda ti Việt Nam.