Hlăm klei blŭ hrăm, 2 čô khua gĭt gai mñă klă, hŏng dŭm boh tŭ dưn dưi mâo hlăm klei bi mguôp 2 ala čar hlăm 50 thŭn êgao, boh nik jing klei tŭ jing mơ̆ng gưl hriê čuă anei, klei mjĕ giăm 2 ala čar srăng đĭ ti hnơ̆ng mrâo, 50 thŭn êdei anăp klei mjĕ giăm 2 ala čar srăng mâo klei mngač hĭn.

Khua lăn čar Võ Văn Thưởng lŏ wĭt bi hdơr dŭm mta bruă yuôm bhăn hlăm klei mjĕ giăm Việt Nam – Australia, mñă klă ka tuôm mâo ôh klei mjĕ giăm mơ̆ng 2 ala čar kjăp leh anăn đĭ kyar jăk msĕ hŏng ară anei, mbĭt anăn yap yuôm bhăn kyua Australia mâo nanao klei uêñ mĭn mkăp brei klei đru ODA kơ Việt Nam, đru mguôp yuôm bhăn hlăm klei đĭ kyar bruă duh mkra – ala ƀuôn, mđĭ hnơ̆ng klei hdĭp mnuih ƀuôn sang Việt Nam. Pô mâo ênŭm klei dưi Australia mñă klă, Australia ktưn hưn kyua mâo mah jiăng, ƀĭng hgŭm đăo knang leh anăn jĕ giăm msĕ hŏng Việt Nam. 2 ala čar hrăm mbĭt bi klă hdră tă mbĭt ti alŭ wăl ksĭ ksĭ India – Pacific, jing alŭ wăl hơ̆it kjăp, mdrŏng sah, jing anôk klei dưi kiă kriê leh anăn klei bhiăn tar rŏng lăn dưi mâo klei mpŭ.