Khua lăn čar mtă kơ čar Bình Phước lŏ dơ̆ng ksiêm dlăng dŭm hdră mtrŭn mơ̆ng Đảng kơ lĭng kahan, klei êđăp ênang, hŏng tač êngao, mguôp hŏng klei mđĭ kyar bruă duh mkra- ala ƀuôn; bi klă klơ̆ng hŏng hdră kčah, hdră ngă bruă, hdră msir djŏ guôp čiăng răng mgang kjăp klei dưi, lăn čar, klei êđăp ênang ala čar.

Khua lăn čar lač klă, brei čar pŏk ngă jăk Hdră mtrŭn 27 kơ klei mkŏ mjing Knŭk kna hlue si klei bhiăn yang ƀuôn ngă phŭn Việt Nam djŏ hŏng boh sĭt ti čar. Mđing mkŏ mjing klei bhiăn kjăp, rơ̆ng êngiê mơ̆ng sang phat kđi hlue si klei dưi phat kđi leh anăn hlue si hdră bhiăn. Kƀĭn mđĭ klei dưi gĭt gai leh anăn klei dưi bi kdơ̆ng mơ̆ng dŭm gưl bruă Đảng, mkŏ mjing êpul lĭng kahan kjăp ktang, doh mngač…