Hlăm hră čih, Khua lăn čar lač: “Đảng, knŭk kna bi mklă bruă mjuăt bi hriăm ti sang hră mơar jing hdră êlan mrô sa. Klei mjuăt bi hriăm phung hđeh jing bruă čuăn kluôm sang hră mơar – gŏ sang lehanăn yang ƀuôn. Sa lăn čar čiăng mâo klei đĭ kyar, snăn bruă mjuăt bi hriăm jing tal êlâo, bi mâo hdră êlan mjut bi hriăm kjăp, duh bi liê lu kơ bruă mjuăt bi hriăm. Kâo hmăng hmưi kơ phung nai mtô, phung hđeh hriăm hră mâo nanao ai tiê klei khăp, hur har hŏng bruă thâo gĭr găn klei dleh dlan, klei lông dlăng, đru mguôp lu hĭn hŏng bruă mjuăt bi hriăm anak mnuih.

Kâo hmăng hmưi kơ amĭ ama hđeh, kyua klei hdĭp anak pô mgi dih, bi mđrăm mbĭt hŏng sang hră mơar lehanăn yang ƀuôn hlăm bruă mjuăt bi hriăm kơ anak aneh pô. Kâo mtă kơ dŭm gưl bruă Đảng, bruă sang čư̆ êa bi duh mĭn lu hĭn kơ bruă sang hră mơar, hŏng lu hdră êlan jăk lehanăn djŏ, rŭ mdơ̆ng sa boh sang hră doh siam êđăp ênang, čiăng kơ phung nai, phung hđeh hriăm hră maoa mtô lehanăn hriăm hŏng klei jăk, mjing klei mơak mñai, jăk yâo thâo dưn yua klei mĭn mbruă, kñăm mlih mrâo nanao hdră êlan mtô bi hriăm lăn čar pô đĭ kyar”./.