Čih klei bi hdơr ti sang kkuh kơ Awa, Khua lăn čar bi êdah lă lar hdơr kơ klei đru mguôp mơ̆ng khua gĭt gai Hồ Chí Minh. Drei amâo mâo mdei tui hriăm, hluê ngă klei mĭn, knhuah hdĭp, knuih kniêng Ñu, bi mguôp gĭr ktưn, mkŏ mjing lăn čar Việt Nam êđăp ênang, hluh hlir, êngiê, čŏng pô leh anăn mdrŏng sah, đru mguôp năng djŏ hŏng bruă krŭ kdơ̆ng tar rŏng lăn hluê si klei čih pioh mơ̆ng Awa.

Bi hdơr 54 thŭn hruê awa nao kbưi, 54 thŭn hluê ngă klei Awa čih, ăt jing wưng kơ kluôm Đảng, jih jang mnuih ƀuôn sang leh anăn lĭng kahan bi hdơr kơ dŭm bruă ngă prŏng prĭn mơ̆ng Awa hŏng djuê ana Việt Nam. Anei jing wưng brei kơ jih jang mtrŭt mđĭ bruă hluê hriăm leh anăn tui ngă msĕ si gru mngač Hồ Chí Minh. Hluê anăn, ksul mbŭ thiăm klei đăo knang leh anăn klei hmăng hmưi kpưn đĭ mơ̆ng djuê ana čiăng mkŏ mjing lăn čar Việt Nam mdrŏng sah, msĕ hŏng dŭm ala čar mkăn hlăm mgi dih msĕ hŏng klei hmăng hmưi mơ̆ng khua gĭt gai Hồ Chí Minh.