Anei jing gưl nao čuă ala čar Austria tal êlâo mơ̆ng Khua lăn čar Việt Nam hlăm wưng 15 thŭn êgao leh anăn bruă bi trông êpul khua gĭt gai ala čar tal êlâo plah wah Việt Nam hŏng Italia leh anăn Vatican hlăm wang 7 thŭn êgao, ăt jing gru kruăk yuôm bhăn hlăm wưng bi hdơr 50 thŭn mkŏ mjing klei mjĕ giăm leh anăn 10 bi mguôp hdră êlan Việt Nam – Italia.

Tlam mbruê, hluê mmông alŭ wăl, ti truh ti ƀuôn prŏng Vienna, Khua lăn čar Võ Văn Thưởng bi tuôm hŏng pô bi ala Việt Nam ti Austria leh anăn pô bi ala Việt Nam ti dŭm ala čar EU mâo mbĭt êlan knông lăn hŏng Austria jing: Alêmăng, Belgium, Seck, Switz, Hungari leh anăn Slovakia. Anei jing bruă tal êlâo hlăm gưl nao čuă ala čar Austria mơ̆ng Khua lăn čar. Lŏ dơ̆ng kơnăn, Khua lăn čar Võ Văn Thưởng bi tuôm hŏng Alfred Gerstl, khua kiă kriê êpul hgŭm Austria – Việt Nam leh anăn phung ma jiăng Austria.