Leh tŭ jing jăk siam klei nao čhưn ti Vatican, bi tuôm hŏng khua knơ̆ng kiă kriê klei đăo khop tar rŏng lăn Francis, aguah 7/8, Khua lăn čar Võ Văn Thưởng nao čuă, bi tuôm hŏng Êpul Gơ̆ng bruă kiă kriê klei đăo khop Việt Nam mâo anôk ngă bruă ti ƀuôn prŏng Hồ Chí Minh. Anei jing gưl tal êlâo, Khua lăn čar Võ Văn Thưởng nao čuă Êpul gơ̆ng bruă kiă kriê klei đăo khop Việt Nam leh ñu đĭ jing khua lăn čar. Hưn mthâo kơ boh tŭ dưn klei nâo čhưn ti Vatican, Khua lăn čar lač, mâo blŭ hrăm leh hŏng khua Knơ̆ng kiă kriê klei đăo khop tar rŏng lăn Francis, mă bruă hŏng khua knŭk kna Vatican Pietro Parolin, mâo leh phung đăo khop kluôm ala mđing êdi.

Ti anôk bi blŭ hrăm plah wah Khua lăn čar Võ Văn Thưởng lehanăn khua knơ̆ng kiă kriê klei đăo khop tar rŏng lăn Francis jing sui hĭn tui si hdră kčah. Khua knơ̆ng kiă kriê klei đăo tŭ ư mơĭt klei mtă hŏng phung đăo ti Việt Nam.  Khua knơ̆ng kiă kriê klei đăo Nguyễn Năng lač, jih jang phung đăo mâo nanao ai tiê hdĭp jăk đăo djŏ, tui gưt bruă Êpul kiă kriê klei đăo, yang ƀuôn thâo bi mguôp, kyua yang ƀuôn kyua lăn čar. Êpul khua kiă kriê klei đăo čang hmăng mâo hgŭm lu hĭn hlăm bruă mdrao mgŭn, bruă sang hră mơar, đru mguôp lu hĭn hŏng yang ƀuôn./.