Ti anăp mnguh mngăt khua gĭt gai Hồ Chí Minh, Khua lăn čar Võ Văn Thưởng lehanăn êpul pioh leh mnĭt mmông bi hdơr kơ ñu, bi êdah klei thâo hdơr knga kơ pô jing khua gĭt gai prŏng hing ang kơ cách mạng Việt Nam, jih klei hdĭp duh myơr kơ klei hnŭk êngiê djuê ana, hluh lir lăn čar, klei jăk yâo kơ mnuih ƀuôn sang. Lán Nà Nưa dôk hlăm kmrơ̆ng Nà Nưa, ti alŭ Tân Lập, să Tân Trào, kdriêk Sơn Dương, anôk Awa Hồ tuôm dôk lehanăn mă bruă hlăk knhal jih mlan 5 hlŏng truh kơ hrue 22-8-1945 čiăng kiă kriê klei kgŭ krŭ kdơ̆ng mlan 8 sua mă klei dưi kiă kriê hlăm kluôm ala, truh hrue 2/9/1945, Khua gĭt gai Hồ Chí Minh dlăng hră lăn čar mâo klei hnŭk êngiê, mkŏ mjing ala čar Việt Nam Dân chủ Cộng hòa.

Leh kơ anăn, khua lăn čar Võ Văn Thưởng lehanăn êpul nao čuh leh brui mngưi ti sang ngă yang Tân Trào, anôk mkŏ mjing klei bi kƀĭn prŏng bruă yang ƀuôn, jing phŭn agha kơ bruă kƀĭn ala Việt Nam ară anei.