Gưl nao čuă anei mơ̆ng Khua lăn čar bi êdah klei sa ai ktang, kluôm dhuôm mơ̆ng Việt Nam hŏng klei mlih mrâo, krŭ wĭt leh anăn mđĭ kyar bruă duh mkra ala ƀuôn, ñŭ kma hŏng tar rŏng lăn mơ̆ng ala čar Lào. Hlăm wưng nao čuă ala čar Lào, Khua lăn čar Võ Văn Thưởng srăng mâo klei blŭ hrăm hŏng Khua gĭt gai Đảng, Khua lăn čar Lào, ktuê dlăng knăm bi klă hră mơar bi mguôp plah wah dŭm Phŭn bruă, dhar bruă leh anăn alŭ wăl 2 ala čar.

Khua lăn čar ăt mâo dŭm klei blŭ hrăm hŏng Khua bruă kƀĭn ala Lào, khua gĭt gai gưl dlông mặt trận mkŏ mjing ala čar leh anăn bi tuôm hŏng Khua gĭt gai gưl dlông êpul bi hgŭm Lao – Việt Nam, Nao hlăm klei huă ƀơ̆ng mơ̆ng Khua gĭt gai Đảng, Khua lăn čar Lào, nao čuă anôk bruă bi ala mơ̆ng ala čar drei ti Lào leh anăn bi tuôm hŏng phung bi ala mnuih Việt Nam ti Lào.