Khua lăn čar Võ Văn Thưởng bi klă, pô bi ala mâo klei đru mguôp yuôm bhăn hlăm bruă mtrŭt mđĭ klei mjĕ giăm plah wah Việt Nam leh anăn Nigeria, hơêč hmưi kơ Nigeria mâo dŭm boh tŭ dưn hlăm bruă duh mkra hlăm wưng êgao.

Bi kơ klei bi mguôp 2 tĭng, Khua lăn čar Võ Văn Thưởng yap yuôm bhăn klei bi mguôp pla hwah Việt Nam leh anăn Nigeria hlăm wưng êgao, boh nik jing klei bi mguôp hlăm bruă duh mkra ala ƀuôn. Mnă klă Việt Nam hluê ngă nanao hdră êlan hŏng tač êngao êngiê, čŏng pô kyua klei êđăp ênang, bi hgŭm, bi mguôp leh anăn đĭ kyar, bi lu tĭng, lu jơr klei mjĕ giăm, jing mah jiăng, ƀiăng hgŭm đăo knang leh anăn pô hgŭm hur har, mâo bruă đua klam hlăm êpul êya tar rŏng lăn, Khua lăn čar brei thâo, Việt Nam hmăng hmưi mđĭ kyar hĭn klei mjĕ giăm hŏng Nigeria hlăm djăp mta bruă. Dua tĭng čiăng mđĭ hĭn klei bi tuôm, bi trông êpul gưl dlông leh anăn dŭm gưl, mtrŭt mđĭ hĭn klei bi mguôp plah wah dŭm Phŭn, dhar bruă, alŭ wăl, lŏ rơ̆ng kơ klei bi trông, bi mguôp hŏng dŭm boh klei hlăm alŭ wăl leh anăn tar rŏng lăn.