Hrue anei (26/5), hlue si asăp jak iêo mơ̆ng khua lăn čar Lương Cường, Khua mil čhil Prăng Emmanuel Macron lehanăn mô̆ ñu klă klơ̆ng hriê čhưn leh kơ Việt Nam. Anei jing anôk jưh jơ̆ng tal êlâo hlăm, klei đuĕ hiu ti Ngŏ dhŭng Asi mơ̆ng Khua mil čhil Prăng, bi êdah leh klei yuôm bhăn mơ̆ng Prăng mâo klei mđing hĭn kơ ala čar Việt Nam.

Klei bi mguôp dua ala čar bi mklă leh hlăm lu thŭn êgao, lehanăn hlăk lŏ mâo klei đĭ kyar hĭn, anan mđing kơ anăp kjăp hĭn. Klei hriê čhưn anei dưi čang hmăng srăng hyuă kjăp hĭn klei bi hgŭm kluôm dhuôm plah wah Việt Nam lehanăn Prăng hlăm lu mta mơ̆ng bruă kđi čar, bruă duh mkra, bruă lĭng kahan, hlŏng truh kơ bruă sang hră mơar, bruă dhar kreh, bruă ksiêm duah klei kreh knhâo, lehanăn wăt klei tar rŏng lăn dôk bi mlih yan adiê, klei êđăp ênang kơ alŭ wăl. Klei anei mâo bi êdah leh klei yuôm bhăn mơ̆ng Việt Nam hŏng alŭ wăl, lehanăn hŏng tar rŏng lăn, pŏk leh sa klei găl mrâo bi hgŭm dua ala čar./.