Aguah mbrue 12/2, ti ƀuôn prŏng Hạ Long čar Quảng Ninh, Khua knŭk kna  Phạm Minh Chính kiă kriê leh klei bi kƀĭn hlue ngă hdră mtrŭn mrô 30 mơ̆ng phŭn bruă kđi čar kơ klei duh mkra ala ƀuôn, lehanăn bruă răng mgang klei êđăp ênang hlăm krĭng Krông Hồng lehanăn tui duah klei duh bi liê kơ krĭng hŏng akŏ “Bi mguôp klei mđĭ kyar – mlih mrâo hŏng klei mbruă lehanăn kjăp”.

Blŭ hrăm ti anôk bi kƀĭn khua knŭk kna Phạm Minh Chính mñă, bruă dưn yua jih jang klei găl, klei dưi kñăm mâo klei đĭ kyar pral lehanăn kjăp hlăm krĭng dap mnai krông Hồng čiăng klă sĭt dưi jing krĭng mâo klei đĭ kyar tal êlâo, djŏ hŏng hdră tă, mkŏ bruă duh mkra hŏng klei kjăp, mjing klei bi hmô kơ bruă mlih mrâo hdră êlan lăn čar mđĭ kyar. Khua knŭk kna mtă kơ jih jang dŭm phŭn dhar bruă păn kjăp hdră êlan hlue ngă bi djŏ hdră mtrŭn mơ̆ng Đảng, mơ̆ng bruă kƀĭn ala, mơ̆ng knŭk kna jih jang hdră êlan leh čua, leh čuăl mkă, djŏ tui si klei knŭk kna, lehanăn khua knŭk kna kiă kriê.