Hlăm mmông tŭ drông, Khua Phŭn bruă Bùi Thanh Sơn mñă klă, Việt Nam dlăng yuôm bhăn klei mjĕ giăm, bi hgŭm ala čar riêng gah, bi mguôp hdră êlan kluôm ênŭm hŏng China, bi klă anei jing bruă tal êlâo hĭn hlăm hdră êlan hŏng tač êngao êngiê, čŏng pô, lu tĭng, lu jơr mơ̆ng Việt Nam, lač jăk kơ Quảng Tây mâo lu klei đru mguôp kñăm ksul mbŭ kơ klei mjĕ giăm 2 ala čar, đru mkăp brei lu kdrăp yua, mnơ̆ng yua bruă mdrao mgŭn gang mkhư̆ klei ruă tưp Covid-19 kơ Việt Nam.

Khua Phŭn bruă Bùi Thanh Sơn mñă kơ 2 tĭng bi hĭn dŭm gưl nao čuă, bi tuôm plah wah dŭm gưl, dhar bruă, bi lar dŭm hdră êlan, hdră mjĕ êrô, bi mguôp ară anei, pŏk phai klei mjĕ êrô plah wah mnuih ƀuôn sang krĭng knông lăn.