Tlam mbruê 11/8, aduôn Phạm Thị Thanh Trà, Khua hlăm êpul bruă Đảng gưl dlông, Khua êpul bruă Đảng, Khua phŭn bruă kiă kriê bruă knuă mbĭt hŏng êpul ngă bruă mâo leh mmông mă bruă hŏng bruă sang čư êa čar Dak Lak kơ boh tŭ hluê ngă bruă hlăm klei kriê dlăng mơ̆ng knŭk kna mơ̆ng dhar bruă kiă kriê bruă knuă ti čar Dak Lak mơ̆ng thŭn 2021 truh hruê 30/6/2023.

Hlăm mmông mă bruă, Khua phŭn bruă kiă kriê bruă knuă Phạm Thị Thanh Trà ktrâo klă hlăm bruă hluê ngă, Dak Lak dôk mâo lu klei dleh kpăk êjai ka mâo ôh dŭm hdră êlan ktang čiăng ngă bruă dăp, bi khuăt klei mă bruă, dôk mtŭk mtŭl hlăm klei dăp bruă mă, sa kdrêč phung mă bruă knŭk kna dôk mâo lu klei êdu kƀah, êpul knuă druh mă bruă knŭk kna nah gŭ awăt êdu, sa kdrêč phung knuă druh mâo klei bi knăl ñĕ kơ bruă mă, huĭ đua klam, Klei mlih mrâo bruă ngă hră mơar knŭk kna ka mâo klei hơĭt, Bi kơ dŭm hdră êlan hlăm wưng kơ anăp. Khua phŭn bruă kiă kriê bruă knuă Phạm Thị Thanh Trà mtă kơ čar Dak Lak mkŏ mjing sa hdră êlan tur knơ̆ng kơ bruă mđĭ ai dưi mă bruă knŭk kna, hlăm anăn mâo knuă druh mnuih djuê ƀiă, mđĭ hnơ̆ng kriê dlăng knŭk kna hlăm dŭm mta bruă, boh nik jing bruă djuê ana leh anăn klei đăo.