Bruă anei jing kñăm bi êdah ai ktang kdrăp lĭng kahan thŭn 2023 hŏng ala tač êngao, jing anôk rang mdah phao ktuang, kdrăp lĭng kahan prŏng êdi tar rŏng lăn mâo Russia mkŏ mjing nanao leh grăp thŭn mơ̆ng thŭn 2015 ti war mnga Patriot (nah êngao ƀuôn prŏng phŭn Moscow).

Êlâo anăn, Đại tướng Phan Văn Giang mbĭt hŏng êpul khua prŏng lĭng kahan Việt Nam nao čuă leh anôk bruă bi ala knŭk kna Việt Nam ti Russia. Đại tướng Phan Văn Giang bi êdah klei čang hmăng hlăm wưng tinăp, knuă druh mnuih ngă bruă anôk bruă bi ala knŭk kna Việt Nam ti Russia lŏ mâo klei thâo bi mguôp prŏng hĭn, ngă bruă hŏng klei thâo mĭn, bi leh jăk bruă mơ̆ng Đảng, knŭk kna jao, đru lŏ hyuă kjăp hĭn klei bi hgŭm kluôm dhuôm hŏng Russia hlăm djăp mta bruă, hlăm anăn mâo wăt bruă lĭng kahan./.