Klei hưn mdah mơ̆ng Khua gĭt gai bruă Đảng čar leh anăn Knơ̆ng bruă sang čư̆ êa čar Kon Tum brei ƀuh, Kon Tum mâo ênhă lăn lŏ hma êbeh 902 êbâo ha, năng mđing giăm 170 êbâo ha lăn dliê ka mâo dliê. Čar bi mklă hlăm bruă mkra mjing lŏ hma mđĭ kyar bruă duh mkra pla ana êa drao jing phŭn. Ară anei kluôm čar mâo êbeh 6.800 ha ana êa drao, hlăm anăn Sâm Ngọc Linh mâo êbeh 1.700ha.

 Hlăm hdră mđĭ kyar bruă lŏ hma, dliê kmrơ̆ng čar Kon Tum dôk tuôm hŏng lu klei gun kpăk,msĕ si bi mlih hdră kñăm ba yua dliê, hdră êlan đru mđĭ kyar dliê ka ngă djŏ klei čiăng boh sĭt… Hluê si Khua phŭn bruă Lê Minh Hoan,  Hŏng dŭm klei gun kpăk djŏ tuôm kơ klei bhiăn, čar Kon Tum leh anăn Phŭn bruă lŏ hma brei lŏ dơ̆ng msir mgaih, gĭr păn knăp ñĕ kơ klei lui hĕ klei găn mđĭ kyar.

Kon Tum tal êlâo mâo êlan nao djŏ kơ mđĭ kyar lŏ hma dliê kmrơ̆ng, ƀiădah brei bi klin ênoh mkra mkjing hŏng ênoh mnia blei. Khua phŭn bruă bi mklă, Phŭn bruă lŏ hma leh anăn mđĭ kyar krĭng ƀuôn sang srăng lŏ dơ̆ng bi hgŭm, đru kơ čar Kon Tum hlăm klei hưn mthâo, mđĭ kyar bruă duh bi liê hlăm bruă lŏ hma mơ̆ng čar hlăm wưng kơ anăp./.